Ur mare pouezus eo an dorioù-digor evit kement tad ha mamm, pa za ar mare da ‘n em soñjal evit enskriviñ e grouadur en ur skol. Setu un digarez da ober anaoudegezh get un endro skol ha kavout respontoù d’ar goulennoù boutin èl: ur skol kevredigezhel ? Deskiñ brezhoneg, posupl evit ur c’hrouadur desavet en ur familh get galleg hepken? Petra eo an hentennoù kinniget ? Hag ar skolaerien, penaos int stummet ? Petra ‘vez debret er c’hantin, ha mat eo ar boued ?

Dorioù Digor Difetis ! Sell aze ar pezh a vo kinniget ar blez-mañ get Skol Diwan Rianteg evit kinnig d’ar gerent ar muiañ ar gwellañ a respontoù er prantad drol-mañ, hani an enkadenn yec’hedel. An darvoud a vo etre ar lun 16 hag ar gwener 20 a viz Kala-Gouiañv 2020.

Met…. Penaos e vo aozet an traoù enta ?

Ken simpl ha tra : pedet eo ar gerent da bellgomz da renour ar skol, Mael Ar Gov, hag en em aoziñ ur prantad eskemm getoñ ha perek pas un eskemm en-linenn, dre ar skrammoù.

Pellgomz : 02 97 84 50 63
Postel : skol.rianteg@diwan.bzh
Chomlec’h : Hent-dall ar skolioù, 56670 Rianteg

Evit klokaat an eskemm-se o deus savet, kerent Skol Diwan Rianteg, ur filmig evit kinnig ar skol hag an abadennoù heuliet get ar skolidi ag ar c’hlasoù bihanañ betek ar CM2.

betek tuchant !

Ur sizhuniad enskrivadurioù a vo dalc’het adal ar lun 8 a viz Mezheven betak ar gwener 12 er skol.
Dait e darempred geneomp evit dizoleiñ ar soubidigezh, an divyezhegezh hag hor skol èl-just! Ma n’hor ket dijabl e c’hellit tapout un emgav get ar renourez. Pellgomzit dezhi pe kasit ur bostel d’ar skol.

Pgz: 02 97 84 50 63
Postel: skol.rianteg@diwan.bzh

An distro skol vo al lun d’an 2 a viz gwengolo da 8e35.

Aet omp da rigadelin , dimeurzh da vitin, get Benead.
Plijadur hon eus bet!!

Dorioù digor zo aozet d’an 24 ha 25 a viz mae.
Digoret vo ar skol da 1e30 betek 5e d’enderv d’ar gwener , ha 9e30 betek 11e30 da vitin d’ar sadorn.

Ma faot deoc’h roin argant d’hon skol, setu al liamm:
https://www.helloasso.com/associations/aep-diwan-rianteg/formulaires/1

Trugarez deoc’h :)

Trugarez d’an holl bout kemeret perzh d’hon deiz ha bleiz. Kanet o deus ar vugale, hag warlec’h o deus kanet bugale kentan ar skol, evit digor an nozvzeh: gourc’hemmenoù!!

https://www.letelegramme.fr/morbihan/riantec/diwan-animations-et-concerts-pour-les-10-ans-07-05-2019-12277443.php

Lorc’h a c’hall sevel ennomp!

Plijadur hon eus é kemen deoc’h eo bet gouniet get ar skol
kentañ priz (400 euros) « Arouez-
trec’h ar vuhez lec’hel » ar
skolioù aozet get ar CREDIT
AGRICOLE DU
MORBIHAN evit e raktres pladenn 10 vlez ar
skol.