Emañ Skol Diwan Rianteg o klask un ASEM.ez nevez evit klokaat ar skipailh pedagogel. Ma anveoc’h hini pe hini dedennet treuzkasit ar c’hinnig mar plij.
Ar post : ASEM
Respont d’ar c’hinnig labour amañ : https://diwan-rianteg.org/wp-content/uploads/2024/07/fichenn-post-ASEM-24_25.pdf
Pelec’h ? E Skol Diwan Rianteg, e kreiz bourk Rianteg, war aod ar Morbihan e-tal an Oriant
Pegoulz ? post da dapout adalek fin miz Eost 2024
Skiant-prenet ha barregezhioù goulennet
- Brezhoneg skrivet, lennet ha komzet,
A-zivout ar skol :
47 bugel a vo e skol Diwan Rianteg dasparzhet e-barzh 3 c’hlasad (Skol-vamm ; CP-CE1 ; CE2-CM1). Ur skipailh pedagogel vrav a zo, deuit d’e glokaat neuze : )
Un ASEMez a zo dija er skol gant ur c’hontrad CDI. Ar pal a zo klokaat an daouad, ha labourat da vintin bemdez + war prantad kreisteiz (adgopr gant an ti kêr).
Ar skolaerez skol-vamm a zo penn skol ivez, ur skolaer.ez a zo evit klas ar re CP-CE1 ; unan all evit ar CE2-CM1-CM2. Ur skolaer.ez a teu ouzhpenn 1 devez ar sizhun evit diskargañ ar renourez. Etre 5/6 den a zo er skipailh skol neuze.
Ur skipailh pedagogel sichant neuze, hag ermezhiadennoù zo raktreset ivez : poull-neuial, bageal, pourmenadennoù, sport, …
Ur skol Diwan birvidik-tre, gant ur c’huzul Skoazell hag un AEP engouestlet-tre e buhez an tro-skol (grit un dro war lec’hienn ar skol da skouer : https://diwan-rianteg.org) . E 2023 hag e eo bet adsavet ar porzh-skol da skouer evit sevel ur « porzh-liorzh » gant muioc’h a glasvez. E 2024 e vez savet ul lochig koad evit an dafar. Astenn ar skol zo raktreset evit 2025.
Bro Rianteg zo brav, ar vuhez zo plijus amañ. Skol da 200 metrad eus ar mor, tu zo bevañ ha mont war droad ha war velo er gumunioù tro-war-dro (Porzh-Loeiz pe Lokmikaelig da skouer), profitañ deus kêr an Oriant a zo tost tre dre ar vag bus (3km eus ar skol nemetken !). Ur vro vrezhonek eo ivez, gant meur a gevredigezh hag ur rouedad brezhonegerien (ar skol sonerezh Sonam, ar c’helc’h keltieg an Drouz Vor hag e gentelioù brezhoneg pe e vagad, Son ar Leurenn hag e brogrammadur bloaziek pinvidig, ar rouedad Emglev Bro an Oriant…).
Respont d’ar c’hinnig labour amañ : https://diwan-rianteg.org/wp-content/uploads/2024/07/fichenn-post-ASEM-24_25.pdf
Darempred : AEP ar Skol 06 88 68 27 14
Pe ar penn skol (evit kaout titouroù diwar benn ar skol) : 02 97 84 50 63