Emañ Diwan Breizh ha Skol Diwan Rianteg o klask ur skolaer pe ur skolaerez evit erlec’hiañ ar skolaerez a vo ehanet a-benn nebeut a-gaoz d’ur gloaziadenn. Ma anveoc’h hini pe hini dedennet treuzkasit ar c’hinnig mar plij.
Ar post : Skolaer pe skolaerez erlec’hier – CDD
Pelec’h ? E Skol Diwan Rianteg, e kreiz bourk Rianteg, war aod ar Morbihan e-tal an Oriant
Klasad CE1/CE2/CM1 gant 17 bugel (CM2 ebet ar bloaz mañ)
Pegoulz ? post da dapout adalek al gwener 22 a viz Gwengolo 2023
Skiant-prenet ha barregezhioù goulennet
- Brezhoneg skrivet, lennet ha komzet,
- Aotreegezh d’an nebeutañ,
A-zivout ar skol :
45 bugel zo e skol Diwan Rianteg dasparzhet e-barzh 3 c’hlasad (Rv1Rv2, RG, RV-CP, CE1-CE2-CM1). Ur skipailh pedagogel vrav a zo, deuit d’e glokaat neuze : )
Ar skolaer skol-vamm a zo penn skol ivez, ur skolaerez a zo evit klas ar re vras + CP ha div ASEMez ivez. Ur skolaerez a teu ouzhpenn d’ar yaou evit diskargañ ar renour. Etre 5/6 den a zo er skipailh skol neuze.
Skipailh pedagogel sichant neuze, hag ermezhiadennoù zo raktreset ivez : mont da vageal da skouer evit re ar CE/CM.
Skol Diwan birvidik-tre, gant ur c’huzul Skoazell hag un AEP engouestlet-tre evit buhez an tro-skol (grit un dro war lec’hienn ar skol da skouer : https://diwan-rianteg.org) . E 2023 eo bet adsavet ar porzh-skol da skouer evit sevel ur « porzh-liorzh » gant muioc’h a glasvez.
Bro Rianteg zo brav, ar vuhez zo plijus amañ. Skol da 200 metrad eus ar mor, tu zo bevañ ha mont war droad ha war velo er gumunioù tro-war-dro (Porzh-Loeiz pe Lokmikaelig da skouer), profitañ deus kêr an Oriant a zo tost tre dre ar vag bus (3km eus ar skol nemetken !). Ur vro vrezhonek eo ivez, gant meur a gevredigezh hag ur rouedad brezhonegerien (ar skol sonerezh Sonam, ar c’helc’h keltieg an Drouz Vor hag e gentelioù brezhoneg pe e vagad, Son ar Leurenn hag e brogrammadur bloaziek pinvidig, ar rouedad Emglev Bro an Oriant…).
Respont d’ar c’hinnig labour amañ : https://www.diwan.bzh/br/offres-emplois/enseignant-e-remplacant-e-230820231443
Pe pellgomz da Z/Diwan Breizh : 02 98 21 33 69
Pe d’ar penn skol (evit kaout titouroù diwar benn ar skol) : 02 97 84 50 63