Komite skoazell “Diwan ar vorlenn”

Le comité de soutien (ou “skoazell”) de l’école diwan de Riantec, association nommée “Diwan Ar Vorlenn”, est chargé de la collecte des fonds qui sont ensuite transférés à l’AEP permettent de faire vivre l’école.

En effet, même si l’école est gratuite, elle a un coût : coût de fonctionnement, paiement du personnel non-enseignant, frais pédagogiques…

Animé par des parents bénévoles,le skoazell trouve ses ressources de deux façons :

  • Les dons, ponctuels ou réguliers, de particuliers souhaitant soutenir l’école et la langue bretonne ;
  • l’organisation d’événements, la participation à des manifestations locales, la vente de calendriers,chocolats, CD ou autres…

Skipailh pedagogel

Tri glasad a zo e skol Diwan Rianteg evit distro-skol 2012 :

  • Anne-Hélène a zo renerez ar skol. Hi a zo ivez mestrez-skol ar skol-vamm (KRV1, KRV2, KRG ha KRV).
  • France a zo e penn ar c’hlasad  re vras, KP, KD 1
  • Florence a ra àr-dro ar re KD2 ha KE1

Paet eo an div vestrez-skol get kevredigezh Diwan Breizh.
Evit sikour bras gete e vez div skoazellerez, Daniel ha Marie-Hélène, er skipailh pedagogel. N’eo ket c’hoazh dre gontrat a-houde distro-skol 2009 pa oe bet digoret ar skol. Goude pemp blezad e vez moian da vout dre gontrat. Neuze e vez gopret ar skoazellerezed get kevredigezh tud ar vugale (KDP).
Evit kement-se eo sikouret ar skol get komite souten, ar Skoazell a gempenn degouezhioù evit serriñ argant.

Kevredigezh an deskadurezh pobl

L’AEP est constituée d’un bureau renouvelé tous les ans. Tous les parents d’élèves sont membres de l’AEP.

Les missions de l’AEP sont :

– La gestion de l’école (bâtiment, logistique)

– L’emploi du personnel non enseignant (ASEM)

– L’organisation de certaines journées festives (arbre de noël, fête de l’école)

– Le lien entre parents et enseignants.

Karta skolioù Diwan

1. Digor eo ar gevredigezh Diwan d’an holl familhoù a fell dezho reiñ un deskadurezh e brezhoneg d’o bugale, hep diforc’h sokiomicherel, prederouriezhel pe bolitikel. Digoust ha digor d’an holl eo ar skolioù.

2. Bez’ez eus eus Diwan abalamour da vankoù an Deskadurezh Stad na ro ket e blas d’ar brezhoneg; goulenn a ra groñs Diwan ma vo kemeret e karg he skolioù en ur servij deskadurezh publik demokratel ha renevezet e Breizh, a aotreo implij ar brezhoneg evel yezh kevredigezhel eus ar skolioù-mamm betek ar skolioù-meur en holl domanioù ar c’helenn.

3. Distag eo Diwan diouzh pep aozadur prederouriezhel, politikel, sindikadel, h.a. Rak-se ec’h embann Diwan e c’houlenn groñs he stourm ma vo doujet da gredennoù relijiel, prederouriezhel pe politikel he holl izili forzh pere a vefent gant ma ne vint ket kontrol da Zisklêriadur Hollvedel Gwirioù Mab-den. An habaskter hollret-mañ a gas Diwan da zifenn ha da vroudañ al laikelezh en he c’helennadurezh ha dont da c’hred da frankiz soñjal pep hini.

4. Diwan a laka e plas ur c’helenn demokratel o kenlabourat a-zevri gant ar gerent, ar strollegezhioù lec’hel hag ar gelennerien. Goulenn a ra Diwan digant tud ar vugale krouiñ e-touez an tiegezh un aergelc’h emsav a-benn reiñ d’ar brezhoneg e blas en o buhez pemdez.

5. Gouestlañ a ra Diwan broudañ implij ar brezhoneg d’an holl liveoù e diabarzh ar gevredigezh; Eus un tu all e kas Diwan war-raok un diorroadur sevenadurel e brezhoneg a ro da bep bugel ar muiañ a gartennoù-trec’h evit sevel e-unan e zazont had a ro an tu da vugale Breizh da gemer e karg o endro naturel, sokial hag armerzhel.

6. Disklêriañ a ra Diwan bezañ a-enep pep unneuziadur yezhel, bezañ stag ouzh ar stummoù disheñvel a eztaoladoù sevenadurel, hag embann a ra n’eus nemet o c’henklokauster a zegas unaniezh ha kenbinvidigezh stroll. Ar brezhoneg kelennet e skolioù-mamm Diwan zo an hini implijet en o endro douaroniezhel ha denel.

7. A-du gant gwirioù dilammadus ar pobloù d’en em ezteurel dre o sevenadur dezho o-unan e c’halv Diwan kement hinienn zo tomm ouzh an demokratelezh, an aozadurioù sevenadurel breizhek, an aozadurioù sindikadel, re ar gelennerien peurgetket, da stourm a-gevret ganti evit muioc’h a justis hag a-enep pep furm a vac’homerezh sevenadurel.

8. Diskleriañ a ra Diwan bezañ kengred gant an holl bobloù a stourm evit o fersonded sevenadurel, lakaet e-barzh al labourererien enbroet, hag e embann e talvez o liesseurtegezh da binvidikaat glad mab-den.

Bienvenue !

E 2009 e oa bet digoret Skol Diwan Rianteg. Ur skol-vamm ha kentañ derez eo. Kevredik, laik, digoust ha digor d’an holl eo. Degemeret ‘vez bugale ar familhoù, tomm o c’halon ouzh un deskadurezh divyezheg a-feson (brezhoneg ha galleg), digor war ar bed ha tost d’o gwrizioù.

Krouet e oa bet Diwan e 1977. Skoliataet e vez enni 3000 bugel e 40 skol, eus ar skol-vamm betek al lise. Heuliet e vez programmoù an Deskadurezh Stad gant un atoud ouzhpenn, prenañ skiant un eil yezh dre ar soubidigezh.

Skol Diwan Rianteg a zegemer 46 bugel o tont eus Rianteg hag ar c’humunioù tro-dro, eus ar re vihan 1 betek ar CM1 (bugale CM1 a zigoro ar c’hlasoù all, tamm ha tamm). Tennañ gounid a ra eus servijoù an ti-kêr evel ar skolioù all: kantinenn, diwallerezh, levraoueg, kentelioù poull-neuial, tachenn sport…

Urzhiaterezioù a zo er skol. Kinniget e vez eurvezhioù studi e brezhoneg evit ar skolidi ivez, ha kentelioù skoazell evel er skolioù all. Saozneg a vez kelennet adalek ar CE2.

An eurioù: 8e45 – 11e45 / 13e30 – 16e30

Evit titouroù ouzhpenn e c’hellit mont e darempred gant ar skipailh pedagogel hag ar gerent.

Renerez : Anne-Hélène FICHE – Pellgomz : 02.97.84.50.63
Postel : skol.diwan.rianteg@gmail.com

Ur skol digor d'an holl